PUSO

Puso ay patuloy na naghihintay

sa araw ng pagdating ng pag-ibig na tunay.

Ilang beses na ring tumibok ito

ngunit lagi rin namang nabibigo.

Puso'y hindi mapakali

ano bang dapat gawin upang ika'y mahuli?

Ngayo'y handa na muling magmahal

sa pag-ibig muling susugal.

Puso'y naghihintay pa rin

na sana ako ay iyong ibigin.

Patuloy na umaasang ika'y matagpuan

at sana ay magmahalan.

Puso ay naghahanap ng pag-ibig na totoo

at ng taong hindi manloloko.

Sana kapag ika'y nahanap na

sa puso'y ako lamang walang iba.

DATE WRITTEN: April 14, 2010